المنسف الاردني

المنسف الاردني
المنسف الاردني هي الاكله الشعبيه الاولى في الاردن يشتهر فيها الشعب الاردن ككل والبدوي خاصه
ولكن الكل يحسن طبخها ويقدمها في مناسباته في الافراح والاحزان واذا اراد الاردني ان يكرم ضيفه ذبح خروف وطبخ عليه منسف وياسلام مااحلى المنسف
طبعا انا بحب المنسف بطريقه خياليه لانه فعلا زاكي كثير
ممكن يطبخ المنسف بالحم او بالدجاج لكن الاصل ان يطبخ باللحم واصلا باللحم اطيب من الدجاج

على كل ياحلوت هذه طريق المنسف الاردني وبالصور ياريت اللي مايعرفه يجربه ويخبرني وصحتين وعافيه مقدما
السلام عليكم
طريقة عمل المنسف الاردني

المقادير
2كياو لحمة بلدي طبعا
لبن جميد حسب مقدار اللحمة
ملح
1كيلو رز صنوايت
2ملعقتين سمن بلدي
خبز شراك
لوز -صنوبر- بقدونس(للزينة)
ولاتنسو البهارات(الهيل)

اليكم الطريقة
ضع اللحمة في وعاء الطبخ
ضع عليها الماء ودعها تغلي
عند الغليان ازل رغوة اللحمة
ثم ضع ملعقة ملح وبهارات الهيل
ودعها تتغلي على مهل
تكون انت بنفس الوقت نقعت الرز
وتكون قد خلطت الجميد بالمولينكس مع اضافة الماء
حتى لايكون ثقيل
طريقة عمل الرز
صفي الرز عن الماء
وضع السمن البلدي في اناء اخر لطبخ الرز
دع السمن يحمى ثم ضع الرز و اضف عليه الماء ثم ضع عليه الكركم
لاعطاء لون الرز الاصفر
والبهارات وطبعا امي الحبيه عندها بهاراتها الخاصه للمنسف وهي طيبه كثير لانه هاي البهارات من صنع دياتها الغالي هوتجهزها من اعشاب طبيعة الاردن الغالي

نعود الى الحمة
اذا نضجت نضع عليها لبن الجميد ونضيف نصف ملعقة كركم
ودعها حتى اللبن يغلي لاتطل عليه حتى لا يصبح مر
نحضر صحن كبيير (او سدر) ثم نفرد خبز الشراك ونصب عليه اللبن ثم نضع الرز
ونصب مرة اخرى اللبن
رتب اللحمة
على السدر
وضع اللوز والصنوبر والبقدونس وغطيهم بخبز شراك
وهذه الصور

[ندعوك للتسجيل في المنتدى أو التعريف بنفسك لمعاينة هذه الصورة]

][ندعوك للتسجيل في المنتدى أو التعريف بنفسك لمعاينة هذه الصورة]

يسلموا رند
بس شكلها غريب شويه

غريب بالنسبه للدول العربيه لكن كل اللي بيجربه بيحبه كثير

لا لا يارند هيك كثير بيجنن شهيتيني
راح اطلب منك باجازة الصيف تسويلي مثله بالضبط
اممممممممممممممممم لذيذ

يسلمو إديكي يا رند على هالمنسف اللي بشهي وأنا مبارح كنت عازمه على منسف وبجميد أردني كمان (الجميد الأردني لازم يكون مع جواز السفر بنفس الشنطة)بس والله شهيتيني لأيامكو وأكل مناسفكو

تكرم عيون الحلوين وانا جاهزه والله على هالايام ياريما ربنا يرجعها على خير واكيد دايما الجميد والسمنه مع جواز السفر ويمكن قبله

ما شاء الله عليكى رند
يسلموا

يجزيكي الخير اخت رند والله بشهي
انا من اللي بموتوا بالمنسف وهو اكلتي المفضلة
بكل اشكالو سواء دجاج ولا لحمة
كله بجنن
شكرا الك اخت رند
واخت اريج الجنة انا بدعوكي للاردن عشان نطبخلك احلى منسف
وتشوفي ما ازكاه

يسلمو ايديك اثبتي انك اردنيه مع مرتبة الشرف ان شاء الله لازم تعزمينا على واحد مثلو

تكرم عينك ياحلوة وشكرا على المرتبه