انا قررت ارتب غرفتي
لأن حالتها حالة وحايسة ومقلوبة فوق تحت
وكل شي عندنا يبغاله كب بالزبايل
وكل دا بسبب المخربين(تراهم من الدرجة الأولى)
فقررت اني ما اكبها
خصوصا ان بعضها لها ذكريات(التعاليق والألعاب والعرايس والدباديب ادري اشياء تبدو لنا غير مهمة بس طلعت جناااااااااااااان)
واحتفظ بيها بطريقة غير
وازين بيها غرفتي
وطبعا تنظيفها استغرق يومين(ترى بجد) طبعا مع الأدراج والبخ والأدوية و الكلوركس
وطبعا الصغار كابين رمل بكل درج وكل شوية يجوا يساعدونيي ياحبي لهم خخخ
وما انسى ان اختي العزيزة ساعدتني
ولو تشوفو الأعمار
انا 11 وهي 16
وهذا شرح مفصل للطريقة الي سويتها
بس اول احب اقول ان هي يمكن ما تعجبكم كثير بس انا مقتنعة بيها والقناعة كنز لا يفنى
واذا عاجبكم قولوا ما شاء الله
امنتكم تقولوا ما شاء الله
الموهم
هاذي صورة عامة للتسريحة
[ندعوك للتسجيل في المنتدى أو التعريف بنفسك لمعاينة هذه الصورة](هي بدون مرايا عشانها جديدة بس انا قررت ما استناهم الين ما يركبوا المراية وزينتها)
وهاذي صور للرفين الي فوقها
[ندعوك للتسجيل في المنتدى أو التعريف بنفسك لمعاينة هذه الصورة]وهي كلها علب فاضية بعدين بعبيها بعضها حق اختي وبعضها حقي
وبالنسبة للقلب المعلق عاليسارهاذا سهاري بس انا علقته هنا
دي صورة التسريحة<<يعجبني اسمها
[ندعوك للتسجيل في المنتدى أو التعريف بنفسك لمعاينة هذه الصورة]وهنا تشوفوا هالركن
[ندعوك للتسجيل في المنتدى أو التعريف بنفسك لمعاينة هذه الصورة]وهاذي صور لكل شي فيه مع الشرح
نبدأ
1
هاذي صورة عامة (للسطوح)ههه
[ندعوك للتسجيل في المنتدى أو التعريف بنفسك لمعاينة هذه الصورة]وهنا تشوفوا هاذا المنظر
[ندعوك للتسجيل في المنتدى أو التعريف بنفسك لمعاينة هذه الصورة]الشرح
الطلبات
كان عندي علبة عشكل بيضة تفتحيها كانها مكسورة وكانت قزاز بمبي ولا تسألوني من فين لأنها هدية لأختي
وطبعا غطاها ضايع
شفتوا كيف استفدت
وفوقها هالبمبي ربطة
من محل مذر كير وفي زيها في تويز وكليرز ما احتجناهاوحطيتها
وحطيت لعبة بسبوسة صغير وتراها طلعتلي من حلاوة بيضة تبع كيندر
وحطيت تعليقتين وحدة جات هدية لأختي والتانية اشتريتها من المدرسة
وطلعت كول
[ندعوك للتسجيل في المنتدى أو التعريف بنفسك لمعاينة هذه الصورة]الشي البنفسجي الي طالع منه طربوش هو شمعة
الطريقة
جبت شمعة كانت هدية من معلمتي و طبعا باقي قطعها ضايعة (القاعدة)
وكان عندي حلق من فردة واحدة ومشبكه مكسور (لا تضحكوا) وعاجب اختي الا والا داسته(حالفة ما ترمي تقول يمكن الاقي الفردة التانية كانها جزم بس والله جابت فوايد)
وطبعا شكله واضح غرسناه بالمقلوب
للمعلومية الي يبغى حلقان بفردة وحدة يجي عندنا
لأنو زي ما قلتكم الصغار عندنا مشاغبين من الدرجة الأولى اخذين الدكتوراه
وحطيت جمبه بالمايل قلوس بنفسجي وحست الين ما زبط
(مع كل نسمة يطيح)
حفرنا له مكان في الشمعة وطبعا بكده خربناها بس هي خربانة من زمان ما يحتاج خخخخخخ
ومع كل دي القرمبوعات طلع فنتاستك
وشوفوا هالمنظر
[ندعوك للتسجيل في المنتدى أو التعريف بنفسك لمعاينة هذه الصورة]طبعا كلكم حتسألوا كيف طريقته
بس هو سهل
الشريطة كانت ربطة شعر
بس طويناها على شكل وردة وحطينا فوقها تعليقة على شكل قلب من لايف استايل ودحين هو منقرض
وبس
خلصنا السطوووووووووووووووووووح (يا كثر هرجي)
طبعا طبعا هو في الحقيقة احلى
بس عشان كاميرة الجوال الي تاخذ العقل
اذا شفت تفاعل اكملكم الدور الي تحت والي تحته
اي سؤال انا حاضر
وابغى انتقاداتكم واقتراحاتكم
وما انسى شكركم على متابعة الموضوع
طبعا طبعا تعبت موووووووووووووووت
ملاحظة في لغز لدا الموضوع
كم مرة قلت كلمة طبعا؟