دانه الاسلام رتبة العضوه
عدد المشاركات : 31 علم دولتي : مزاجي : نشاط العضوه : الشكر : 0 نقاط : 51
| موضوع: كل ام خلى بالك م ن العادات القديمه الثلاثاء مايو 18 2010, 21:10 | |
| الى كل ام .... احترسى السلام عليكم ورحمة الله
دة اول موضوع ليا فى المنتدى اتمنى ما يكونش اتناقش قبل كدة بس انا شايفة اننا لازم نخلى بالنا من العادات القديمة للجدات والامهات على اطفالنا طبعا نتفق فى البداية انهم اصحاب خبرة ولا يتعمدوا ابدا ايذاء اطفالنا حاشا لله بس انا بيصعب عليا الاطفال واللى بيجرالهم وهم ياعينى لا حول لهم ولا قوة والدنيا بتتقدم واحنا زى ما احنا هارصدلكوا دلوقتى اكتر الحاجات اللى عاصرتها وانا ام لاول مرة من الجدات والاقارب وبصراحة انا ماعملتش منها اى حاجة اول حاجة يصطدم بيها الطفل مسالة تكحيل المولود وخاصة بريشة مغموسة بكحل حامى او بصل بالذمة ينفع كدة يعنى مش كفاية الرصاص اللى بنحطه فعينهم وممكن يعملهم حساسية وتسمم لا كمان بصل هو تعذيب وفى السبوع يفضلوا يهزوه بالمنخل جامد ودة خطر جدا وممكن يصيبه بامراض فى المخ مستقبلا لا قدر الله لان مخه عائم فى الجمجمة ودة غلط جدا تانى حاجة البامبرز او الحفاضات بتعمل تقوس والاحسن الكافولة اللى لما نستخدمها توصل البلل لصدرهم ويعيوا .. سبحان الله مسالة القماط دى بقى مش عارفة ممكن تكون مش وحشة بس انا شايفة ان مالهاش لازمة لان كل ما تفكيه هايكون جسم الطفل عرقان ويبرد وهو اصلا ماعندوش مناعة فكدة سلبياته اخطر من ايجابياته ولتلافى ان الطفل يتمزق من غيره المفروض ان مش اى حد يعد يشيل الطفل وهو لسه مولود كدة ويقولولك ماتعوديهوش على الشيل سيبيه يعيط عشان مايتعودش مافيش حاجة اسمها كدة الطفل فى اول عمره بيحتاج للاحتضان لانه خايف واعتاد سماع دقات قلب امه وهو فى بطنها مش عاوزها تشيله وخلاص اشهر حاجة بأة اللى بيجيله الصفرا يقولك حطيه تحت اللمبة النايلو ( البيضا ) ودة اكبر غلط لان نورها بيزود الصفرا اصلا لانها مش زى اللى فى الحضانة وافضل حاجة الرضاعة الطبيعية فى حالة الصفرا الفسيولوجية العادية وبتروح لوحدها فى خلال اسبوعين انما الصفرا المرضية بيتاخدلها علاج خاص وممكن توقفى الرضاعة 48 ساعة لو لبن الام دهنى اخطر حاجة باة فى التلات ايام الاولى اللى مابيكونش فيها لبن وبيكون فيهالبن المسمار كل ما يعيط البيبى يقولك جعان اديله اعشاب ودة اكبر غلط لانك بكدة بتقللى مناعته اللى بيكتسبها منك من اللبن دة وربنا منزلهوله على اد سنه وبطنه دة طبعا مش فى حالات ضعف لبن الام انا بتكلم فى الحالات العادية ماتنيميش البيبى على بطنه عشان بطنه ماتفرش .. طبعا دة برده غلط بطنه مش هاتفرش ولا حاجة بالعكس دة هينام وقت اطول لان الغازات هتخرج منه بسهوله اكبر ومش هاينزعج ودى اكتر نومة مريحة للطفل ولو قشط او حاجة مش هايشرق المهم تكون المرتبة ناشفة مش سفنج عشان وشه مايغوصش فيها ويختنق لا قدر الله لبسيه 70 حاجة عشان مايبردش دة غير اللفة ولو فى الشتا البطانية فوقها طبعا ودة بقى بيسبب امراض للاطفال وبيخليهم على طول بيعيطوا لانهم حرانين يا عينى ولا قدر الله يسبب ظاهرة تعرف باسم موت المهد والقاعدة الاصح انك تلبسى طفلك طبقة واحدة زيادة عنك مانتى لابسة وحاسة انك دفيانة سواء شتا او صيف ولو خارجة ابقى زودى السلوبيت المبطن مثلا او البطانية دة بقى غير الحاجات اللى فى الاكل ودى باة ماتتعدش واخطرها الزبادى البلدى او المبستر اومنتجات الالبان قبل 6 شهور والافضل ان الحاجات دى تتعمل فى البيت وبلبن بقرى كامل الدسم اعطاء الاطفال اللبن الجاموسى قبل ما يتموا سنة وكمان عسل النحل اللى ممكن يسبب تسمم قبل سنة واستخدام الملح والسكر قبل 6 شهور عشان يتعودوا على طعمهم ودة غلط لانهم المفروض يتعودوا على الطعم الطبيعى دة غير ان دى سموم بيضا علينا اصلا وجسمهم مش محتاجها فى السن دة ماتديش طفلك فيتامين ياخده من الاكل دة مش وحش بس كمان فى حاجات مش سهل نحافظ عليها واحنا بنعمل الاكل معظمها بيضيع الوصفات الدوائية مثلا واحدة ابنها جاتله كحة توصف الدوا لواحدة تانية وتعتمد عليها من غير دكتور طبعا دة غلط جدا كل طفل له طبيعته المتابعة مع الدكتور مش مهمة انتى هاتمرضيه كل شوية عند دكتور ... طبعا المتابعة اهم حاجة خاصة لانها بتساعد فى اكتشاف اى مرض او عيب يمكن اصلاحه بسهولة وهو فى المراحل الاولى والوقاية خير من العلاج شرب الميه باه اديله مية من الحنفية عشان يتعود على طعمها او معدنية ودى طبعا محدش بيقولها احنا الكبار مش خالصانين من ميه الحنفية اصلا نديها لاطفالنا اللى بيبنوا جسمهم وماعنهومش مناعة وكمان المياة المعدنية ممكن يكون فيها املاح زيادة عشان كدة افضل حاجة المية المغلية تغليها وتبرديها وحتى شرب المية مش فى الاربع شهور الاولى خاصة لو مش الدنيا حر لبن الام فى 70% ماء والاطفال مش بيعطشوا
انا عارفة انى رغاية وطولت عليكوا بس الحاجات دى كلها حرقت دمى وماصدقت لقيتكوا افضفض معاكو
دى معظم الحاجات اللى عاصرتها سواء مع ابنى او مع اطفال اخرين قريبين منى لو عندكوا اى حاجة شبه كدة او تجربة حلوة او وحشة مع العادات ياريت تفيد بعض وفى انتظار مشاركاتكم مع الاعتذار والاحترام الشديد لكل جدة او ام لا تتابع ما هو جديد فى الطب
| |
|
جنة الاخوه
مديرة المنتدى
عدد المشاركات : 5326 رقم العضويه : 1 مزاجي : نشاط العضوه : دعاء : الشكر : 44 نقاط : 4635
| موضوع: رد: كل ام خلى بالك م ن العادات القديمه الثلاثاء مايو 18 2010, 21:42 | |
| ماشاء الله موضوعك وكلامك صحيح ومشكوره عليه بس انت شكلك خبيره انت كم طفل عندك؟ | |
|
الدلوعة رتبة العضوه
عدد المشاركات : 210 علم دولتي : مزاجي : نشاط العضوه : دعاء : الشكر : 0 نقاط : 210
| موضوع: رد: كل ام خلى بالك م ن العادات القديمه الجمعة مايو 28 2010, 17:04 | |
| | |
|