لعبة الصراحة

اخواتي شو رايكم بالصراحة
على فكرة انا عني بحب الصراحة كثير
حتى لو كانت مرة او جارحة
عشان هيك احيانا بواجه مشاكل مع الناس
هههههههههههههه

خلينا بلعبتنا "الصراحة"

اخواتي مبدا اللعبة انو الواحد يسال سؤال حتى لو كان محرج
خخخخخخخخ
المهم لازم العضو اللي وراه تجاوب بكل صراحة
والعضوات اللي مابشاركو اكيد بكونوا ايــش؟
بخافوا من الصراحة عشان هيك اخواتي
احنا بدنا نختبر بعض
ونشوف مين الي بجاوب بكل صراحة
ومابخاف يشارك معنا

انا راح ابدا اللعبة

كم معدلك بالتوجيهي؟


اللي بعدي لا تحكي بعدني صغيرة ماوصلت التوجيهي


اوكي قديمة

الله يسامحك يا ام عباده على هاللعبه وكمان على هالسؤال

على كل انا ما نجحت بالتوجيهي للأسف



سؤالي للي بعدي

امممممممممممممممممممم

شو الصفات السيئه فيكي؟ ؟

يعطيك$
مشكلتك يا ام عباده قلة النوم وقلة اكل الخضار والفواكه ويا بطه كثري الورصات-الكركم- عالطبخه
وتعي شيلي مني شوية من النسيان اللي بنساه اكيد ما رايح يكون عندك اكثر مني انا وصلت لمرحلة بنسى وانا احكي عن شو بحكي تا اوقف واصفن شوي وممكن اسأل ... شايفه هون الإحراج وكأني مش عامله قدر للي بحكي معي بس الحمد لله طلعاتي خفيفه وما بزعل كثير
وصلنا يا ستي هلا للسؤال هو شو كان....آه ..اكثر موضوع ما عجبني بس هالسؤال ولأنا بنحكي عن الصراحه ما بناسبني لأني بالناسبات باجي وزياراتي قصيره للمنتدى ما بطلع على الكل بس انا عاجبني المنتدى واللي فيه اكثر لأنهم زي حكايتك
يا ام عباده اخوات خفيفات الطل طيوبات

شغلة عملتها وانا صغيرة كل مااتذكوها افرط من الضحك
انا وابن خالى من جيلى ودينا بابور الكاز من منطقة الى منطقة تبعد حوالى ثلاثين كيلو مشى على الاقدام وعمرنا تسع سنوات مشان نوفر الاجار لركوب التكسى ونشترى فيه بوظه وملابسنا امتلت يومها كاز واكلنا بهدلة من امى وزوجة خالى

شو الدعوات اللى دائما تدعيها وتلحى عليها

الصراحة انا بحب الدراسة والعلم بشكل مش طبيعي
لدرجة انه صاير معي زي الهوس بالدراسة
عشان هيك اكثر شي بيبسطني هو
شهاداتي العلمية والدورات اللي اخذتها والخبرات اللي حصلت عليها
والله انا دايما بحكيها الجملة انو اسعد يوم بحياتي كان يوم تخرجي من الجامعة
لاني تعبت كثير خلال الدراسة والحمدلله حققت النجاح اللي بتمناه
وان شاء الله نيتي تكون لله في تحقيق هذا العلم
لانه زي ماحكى رسول الله صلى الله عليه وسلم
"من سلك طريقا يلتمس فيه علما سهل الله له طريقا الى الجنة"

بالاضافة لهاي الامور اكيد حبي وحياتي "عبادة" الله يحفظه ويجعله قرة عين الي

اما سؤالي "اخواتي من فيكن تعتبر نفسها اسعد انسانة في الوجود"

انا اعتبر نفسى اسعد انسانة لانى احب ربى واحب نبيى
والله اعطانىى نعم كثيرة لاتعد ولاتحصى ومن ابسطها
نعمة الزوج ونعمة الولد ونعمةالامن والامان واول نعمة نعمة الاسلام واسكن فى بلد مسلم واللى حولى بحبونى وعشت هذا العمر وانا مسلمة والله يحسن خاتمتى وكيف لا اكون سعيدة وانا امتك هذه الصفات

اسعدني مرورك كثير اختي ام علي
وكلامك كثير حلو
بس للاسف نسيت تسالي سؤال للي بعدك
ياريت ترجعي وتسالي السؤال

ياي لعبة روعة وحلوة كثير بس مالقيت سؤال اجاوب عليه
دورك يا ام علي اسالي عشان اجاوب او ام عبادة
وشكرا للغاليات

ماشي تكرمي يالجوري
ماهو شعورك وبكل صراحة اتجاه هذا المرض المنتشر
انفلونزا الخنازير
اللهم عافينا منه؟

• اولا السلام عليكم و رحمة الله و بركاته
  الصراحة ما عندي شعور محدد بس بخاف منه و بحس بالقرف من اسمه
  الله يعافينا و جميع المسلمين
  سؤالي : هل تتابعون البرامج الأخرى في التلفزيون مثل المسلسلات او بعض الافلام ؟ام تقتصرون على البرامج الدينية و غير المحرمة؟

جاوبوا بصراحة!!!

الصراحة وبكل صراحة
انا ماعندي وقت نهائيا
بس لما يتوفر عندي الوقت القليل
اكيد بفضل القنوات الدينية
وبحضرها بكثرة
لكن هذا مابمنع انو انا كمان بحضر برامج
اخرى
او حتى المسلسلات
لكن مش اي برامج ولا اي مسلسلات
هناك دين ومباديء تحكم
بحياتي لم احضر اي فلم او مسلسل اجنبي ولا حتى مدبلج
حتى المسلسلات العربية اذا توفر لي الوقت لا اتابع ربما احضر حلقة

او جزء من حلقة واكرر ليس اي مسلسل او اي لقطة
هناك رقابة داخلية
هذا بصراحة وبكل صراحة
سؤالي : هل تحبين الطبخ ام انت مجبرة ؟

والله مرات بحب الطبخ و مرات لأ حسب المزاج :
يعني اذا عزيمة بطبخ من قلب و رب و اذا للبيت حسب الوضع الصحي و المزاجي و عند امي ما بطبخ لأنه طبخي مش زي طبخها - هي فنانة

سؤالي : ايهما تتفننين به اكثر : طبختك و عزومتك لأهلك ولا لأهل زوجك؟

ههههههههههههه

سؤال حلو كثير

الصراحه بتفنن في العزومتين بس اهلي بكون حذره اكثر من بيت عمي (غريبه صح)ولكن عندما اطبخ لبيت عمي اتفنن اكثر بتشكيل الاطباق اما مع اهلي ما يهمني الطعمه اكثر لان امي ربنا يخليها ويرجعها من الحج بالسلامه فنانه وذواقه للطبخات ومعروفه عند الكل بمهارتها ولهذا اهلي متعودين على الاكلات الخاليه من العيوب فبكون حذره في عزومتهم واذا كان الملح ظاهر او اي شي متعودين علي لانهم اهلي ما برحموني ورح يظهروا عيوب الطبخه ههههههههههه


اللي بعدي

كم من الوقت تقضين على الكمبيوتر والنت وماذا تتصفحين يعني مواضيع اناقه ديكور اسلاميه طبخ اناشيد مقاطع فيديو منوعه؟؟؟اي نوع؟؟؟

انا مو وقت محدد
ولما اقعد على النت بفتح على الدراسة
او المنتدى او الشات
بس

السؤال :::
الصراحة مو عارف شو اسأل
رح اسأل سؤال عادي مو محرج
شو الاكله يلي بتحبيها؟
سؤال سهل ما بدو تفكير

انا اذا على الاكلات بحب اكلات كثير بس المشكله انه ما باكل كميات كبيره

بحب الدوالي كثير
وكمان البيتزا
وفي اكلات كمان بس يمكن ما بعرفهم الكل لانهم معروفين عنا بالاردن
بحب الخبز بالبصل والكباب
طبعا الكباب عنا مو اللحمه المشويه

سؤالي هو

اممممممممم

صعب انه اضع سؤال

ماهي اكثر الالوان اللي بتحبيها وهل بتلبسيها امام الناس في الخارج ام تتجنبيها لأسباب معينه؟؟

والله الصراحة انا بحب اللونين الأحمر و البنفسجي كتير اذا عندي زيارة عادي ممكن ألبس منهم بس ما بلبسهم برة البيت قدام الناس لأني حامل و منفوخة و ما عاد يدخل فيي غير العبايات اما الجلابيب انسسسسسسسسسسسيييييييييييييييييي[b]

سؤالي : ايش اكتر اشي بجذبك تشتري منه بكثرة لأطفالك : لبس او اكسسوارات او اشياء زاكية او ... او ...؟

انا والله ما عندي اولاد

ههههههههه

عمري 12

واذا كان عندي اولاد

احب اشتري الهم

اكسسوارات

وملابس

وكلشي حلو

وسؤالي

هل تحبي الدراسة ؟؟؟؟؟؟؟؟

هل تحبي ان تكوني دارسة وناجحة؟؟؟؟؟؟؟؟

هل تحبي اللون الاسود؟؟؟؟؟؟؟؟

تقبلي مروري

انا احيانا احب الدراسة
وما بحب اللون الاسود
واحب ان اكون ناجحة

اما سؤالي فهو
هل تتابعي قنوات الاطفال؟

انا بحب الزهري ودرجاته كثير يعني مثل التوتي والعنابي .... الخ
طبعا بالبيت بلبس هاي الالوان بكثرة سبحان الله هي كمان بتعطي لون حلو كثير
للوجه لانها الوان الورد بتصير الوحدة مثل الوردة هههههههههههههه
بس برة البيت وبحكم لباسي الشرعي اكيد مابقدر البس هاي الالوان الا
اذا كانت الدرجة غير فاقعة ومش ملفتة وهذا نادر جدا في هاي الالوان
بس بشكل عام ما بحب التزم بلون معين يعني بلبس الرمادي والاخضر والبني
والبيج بس بشرط تكون الوان غير ملفتة وبنفس الوقت تكون حلوة وتناسبني


سؤالي هو ممكن يكون بفرعين فرع خاص للمتزوجات وفرع خاص للعازبات واللي بعدي تجاوب على
الفرع اللي بخصها
السؤال للمتزوجات هو لما اجا زوجك يخطبك شو كان اهم شي في بالك كنت حابة تساليه عنه؟
وللعازبات نفس الشي لو اجا واحد يخطبك على خير شو اكثر شي بهمك انك تعرفيه او تساليه عنه
وبكل صراحة مع العلم انو ممكن يكون الشي اللي حابة تعرفي اكثر من شي واحد .

ههههههههه
ذكرتيني بأيام الجنان والغيره
اهم اشي كان انه اعرف اذا كان قبلي يعرف بنات
ههههه

بما انه سؤال الاخت ام عباده حلو رح نعطي فرصه للي حابه تجاوب عليه